ehsaas-e-ishq

1jaate huey kadmon ko roka usnemain itna ehsaan faramosh bhi nahinke shukriya na kehta

2rukna chaaha par ruk na sakezamaane ne kaha ki mujh par sirf uska hee haq haikaise maan leta main....aakhir roka tha usnemaine bhi waada nibhaane ko socha

3jaane nahin diya usne, abhi kehna karna tha bahut kuch,nahin jaan paaya main ki mujhe kisne sataaya haiye zamaana bade sang e dil thehra, zauq to murjha gayewo to teri har muskurahat pe qurban hai


4kya khabar thi ki aisa bhi hogahumara kaatil hee humaara maseeha hogahumne jise chaaha hai khud se zyaadawo aaina humaara aks hogakya kameen thi humko, humne khuda se usse maang liyakhuda ne usse kya diya, mera to sab kuch le liyazauq ne khud ko bhool kar pehchaana unhejo pehchaana, to wallah khud to guma diya

mujhko tum maaf kar dena

mujhko tum maaf kar dena

jaata hoon tere dar se
mujhko tum bhula dena
ho sake to aisa bhi karna
bahut dinon tak ilzaam na dena

thoda pyaar bhi yaad rakhna
thodi muskaane bhi
aye mere haseen dost
mujhko sirf ilzaam na dena

teri yaad pal pal sataayegi
phir zindagi is patte ko udaa le jaayegi
jaata hoon tere dar se
mujhko tum bhula dena

kaash kuch din aur hote kismat mein
kaash main adna insaan na hota
jaata hoon tere dar se
mujhko tum bhula dena

tera dard ab na baat paoonga
teri kismat phir kahan sanwaar paoonga
jaata hoon tere dar se
mujhko tum bhula dena

ho sake to kabhi mujhe maaf kar dena
ho sake to mere liye
apne aansoo khud ponch lena
jaata hoon tere dar se
mujhko tum bhula dena


---Amit

sitaaron ki duniya

sitaron ko kahan haasil hai
kahin pe gum ho jaana
tere ghamon ko bhi dekha aye humdum
sirf in muskurahaton pe na jaana


badri kabhi chhayi ho sakti hai
lekin kahan tak ye chaadar odhoge
bas ek hawa ka jhonka chahiye
phir is badri ko bhi kahin hai beh jaana

kitni door talak tu akela chala aaya
kitna gubaar nikla aur karwan kahan gaya
manzil haasil karne ka jazba abhi baaki hai
tere chehre ki dhool pe kyun jaana

tu kahin bhi rahe
meri nigaah mein rahega
namumkin hai tera
mujhse juda ho jana

tujhse to raahen roshan hain
ye khushiyon ka aalam bhi
phir ye kaisa sabab ke teri aankhon
mein aansoo ka aa jaana

raaste to sirf manzil tak jaate hain
phir kyun raaste ki talaash mein jaana
sitaron ko kahan haasil hai
kahin pe gum ho jaana
----Amit

aa baith mere paas

aa baith mere paas
teri nam aankhon ko sukoon doon
aa baith mere paas
tere labon ko muskaan de doon


aisa koi gham nahin
jiska sila na de sake tera ye dost
aisi koi khushi nahin
jiska sila tere sadke na kar doon


maa ne tujhe
panchhi ban udna sikhaya
ab apni udaan bhar gagan mein
tere pankhon mein nayi hawa main doon


aa baith mere paas
teri nam aankhon ko sukoon doon
aa baith mere paas
tere labon ko muskaan de doon
---Amit

wo lamhe hum phir bhi jiya karenge

tham gaye hain jaise yahan pe
wo lamhe kabhi nahin guzrenge
dil mein jab dhadkan bhi na rahegi
wo lamhe hum phir bhi jiya karenge


jis pal tune mujhe aagosh mein bhara
yun mujhe apne haathon mein sawaanra
haath mein jab jumbish bhi na hogi
wo lamhe hum phir bhi jiya karenge


wo pal ke jahan tere honth mile the mujhse
yun nayi zindagi shuru ki thi maine
jab ragon mein lahoo behna band kar dega
wo lamhe hum phir bhi jiya karenge


jab tujhme samaa gaya tha main us raat
phir kee humne raat bhar khamoshi se baat
saans bhi jab meri ruk chuki hogi
wo lamhe hum phir bhi jiya karenge


tera tasavuur jab pehli baar paaya dil mein
sansani sa ehsaas daud gaya tha mann mein
koi sargoshi bhi jab na hogi is badan mein
wo lamhe hum phir bhi jiya karenge


teri khatti meethi takraar jab jab hoti thi
teri ehmiyat ka mere wajood ko ehsaas deti thi
jab kaafila mujhe dafan karke chala jaayega
wo lamhe hum phir bhi jiya karenge

tera wo mujhpe har lamha haque aazmaana
mujhe apne saaye ki tarah qaid mein rakhna
meri yaad bhi jab duniya se rawaana ho jaayegi
wo lamhe hum phir bhi jiya karenge


---Amit

samjha karo

samjha karo

ye zameen haale dil bayaan karti hai

kuch bayaan karne ki

gar kabhi fursat na ho

to aye dost samjha karo

kabhi sanjeeda kabhi khushi ke

nagme sune tumne yahan

behte rahe yun hi ye taraane hamesha

sirf ye hee dil se dua karo

tera haque hai mujhpe ki jaisa haque

sirf ek saccha dost hee jaane

yun hee mujhe poocho

yun hee kuch baatein karo

aaj din kuch khushnuma hai

fursat ke kuch pal aaj roz ki aandhi saath hai laayi

mauka hai dastur bhi, kuch main jo kahoon

tum use bas yun hee suna karo

ye daur guzar gaya ye na samjh lena

abhi kuch aur din aise baaki hain

ye din palon mein beet jaayenge

aye dost samjha karo

zauq ka yaaraana haseen hai

veerana bhi jaise mehfil ban jaaye

aye dost tum har shaam

meri zameen pe aa jaaya karo

----Amit

socha na tha

socha na tha
ki itne yaad aaoge
dastak baar baar deke jaoge
hum kuch na keh payenge
aur tum phir apni duniya mein chale jaoge

hamesha ke liye dil mein aaye the
saari khushiyan aur gham ko baantne aaye the
sochna tha mujhe bhi khayaal rakhna tha
ke shaayad kabhi saari khushiyan leke chale jaoge

dil ne tujhe chaaha tujhe apna maana
nasamajh itna bhi na jaana
ki waqt ka dastoor hai hamesha se, socha na tha
waqt ke haathon aaj tum mujhe baandh ke jaoge

sambhalna hai par mushkil jaan padta hai
sambhaalna phir se mujhe seekhna hoga
teri yaad ka marham kaafi hai jiske bahaane
tum mere dil pe thandak lagaa ke jaoge

meri duayen hamesha tere saath hain aye dost
ye bhi yakeen hai ki mujhe bhool na paoge
dil mein kahin koi umeed aaj bhi chhupi hai
ki tum zaroor meri baahon mein laut aaoge
---Amit

सोचा ना था
िक इतने याद आओगे
दसतक बार बार देके जओगे
हुम कुछ ना केह पायेनगे
और तुम िफर अपनी दुिनया में चले जाओगे

हमेशा के िलये िदल में आये थे
सारी खुिशयान और गम को बानटने आये थे
सोचना था मुझे भी खयाल रखना था
के शायद कभी सारी खुिशयान लेके चले जाओगे

िदल ने तुझे चाहा तुझे अपना माना
नासमझ इतना भी ना जाना
िक वकत का दसतूर है हमेशा से, सोचा ना था
वकत के हाथो आज तुम मुझे बाध के जाओगे

समभालना है पर मुशिकल जान पड़ता है
समभालना िफर से मुझे सीखना होगा
तेिर याद का मरहम काफ़ी है िजसके बहाने
तुम मेरे िदल पे ठनदक लगा के जाओगे

मेरी दुआयेन हमेशा तेरे साथ है ऐ दोसत
ये भी यकीन है िक मुझे भूल ना पओगे
िदल में कही कोइ उम्मीद आज भी छुपी है
िक तुम ज़रूर मेरी बाहो में लौट आओगे
---अिमत